| Статистика |
Онлайн всего: 1 Гостей: 1 Пользователей: 0 |
|
Етим Эмин
Гьайиф тушни вун эцигиз чилерал?
Ширин вирт я, хуш нямет я, Туьквезбан.
Хаму кард хьиз, хвена к1анда гъилерал,
Вун жагъайдаз xynl девлет я, Туьквезбан.
Вун жагъайдаз гьич ви къадир чизавач,
Зар-зибада гьамиша вун хуьзавач.
Бес за гьик1да? Вун рик1елай физавач.
Зав гвайди ви гъам-хифет я, Туьквезбан.
Гимишдин пул дуьзмишна на яхада,
Ви ширин мез, шад билбил хьиз, рахада.
Агъузвалмир тай-туьшерин арада,
За ваз ийирди минет я, Туьквезбан.
Гьар пакамахъ экъеч1дай са рагъ я вун,
Гъилел кудай, нур гудай чирагъ я вун,
Гьар са ширин емиш авай багъ я вун.
Эминав гвайди ви дерт я, Туьквезбан,
|
| Категория: Мои статьи | Добавил: Sultan (20.03.2010)
|
| Просмотров: 910 | Комментарии: 1
| Рейтинг: 0.0/0 |
| Всего комментариев: 1 | |
|
0
Слова с глуб. смыслом. Просто супер!!!
|
|
|
|
|
